Вікторыя Смолка запрашае...
Сустрэча з таленавітым паэтам - заўсёды знакавая падзея ў жыцці чалавека. Таму настаўнікі роднай мовы і літаратуры імкнуцца часта запрашаць пісьменнікаў у школу да сваіх вучняў. Але магчымасць браць урокі літаратурнага майстэрства ў самага маладога члена Гродзенскага абласнога аддзялення ГА "Саюз пісьменнікаў Беларусі" Вікторыі Смолкі маюць далёка не многія хлопчыкі і дзяўчынкі нашага горада. І мы вельмі ганарымся, што паэтэса будзе кіраваць літаратурным гуртком менавіта ў нашай школе.
Многія вучні ўжо знаёмы з паэткай і яе творчасцю, бо Вікторыя Смолка - наш часты госць. Яна прымала ўдзел у прэзентацыі першага школьнага альманаха "Альшанскі перазвон", а таксама прысутнічала пры адкрыцці кабінета-музея "Літаратурны Гродна".
11.02.2019 г., у актавай зале адбылася яе сустрэча з зацікаўленымі вучнямі 5-6 класаў. Спадзяёмся, што многія з іх у будучым стануць шчырымі аматарамі прыгожага пісьменства.
Заняткі ў гуртку праходзяць па суботах, у 11.00 (к. 433).
У добры шлях!
 |
 |
 |
