Вучні нашай школы падрыхтавалі тэматычную выставу "Пісьменнікі-юбіляры 2020”
Беларуская літаратура – надзвычай яркая, самабытная і разнапланавая – цесна звязана з жыццём беларускага народа і грамадаства і арганічна ўплецена ў дыван сусветнай культурнай спадчыны. Імёны многіх беларускіх пісьменнікаў шырока вядомыя не толькі ў Беларусі, але і за мяжой. Кожны год беларускі каляндар багаты на юбілейныя даты. 2020 год не стаў выключэннем. З гэтай нагоды Гуцко Т.Ф. разам з вучнямі 6-х класаў падрыхтавала тэматычную выставу “Пісьменнікі-юбіляры 2020”, прысвечаную юбілейным датам класікаў беларускай літаратуры.
На выставе экспануюцца творчыя партрэты пісьменнікаў-юбіляраў – К.Чорнага, Ул. Караткевіча,І. Навуменкі, Р.Барадуліна, мастацкія творы аўтараў.
Спадзяёмся, што выстава абудзіць жаданне перачытаць ужо вядомыя творы, пазнаёміцца з новымі імёнамі ў беларускай літаратуры, паразважаць аб асобе, дзейнасці і лёсе пісьменнікаў, абмеркаваць прачытанае.
