Другі дзень Тыдня беларускай мовы і літаратуры
Літаратурная імпрэза-сустрэча
«Загадкавая краіна Паэзія»
У рамках Тыдня беларускай мовы і літаратуры 22 лютага адбылася імпрэза-сустрэча з маладой паэткай, членам Гродзенскага аддзялення “Саюза пісьменнікаў Беларусі”, настаўніцай дадатковай адукацыі Смолка Вікторыяй Валер’еўнай.
Імпрэза праходзіла ў кабінеце-музеі “Літаратурны Гродна”. У мерапрыемстве ўдзельнічалі вучні V-ых і VII-ых класаў.
Спачатку сямікласнікі расказалі пра паэзію як загадкавую з’яву ў літаратуры, пра яе значэнне ў жыцці чалавека. Затым ў аўдыторыі з’явілася сама гаспадыня Паэзія ў лаўровым вянку, з крыламі натхнення і папрасіла вучняў падзяліцца сваімі першымі спробамі пяра. Свае вершы прачыталі Жук Валерыя (VII “Б”), Праневіч Мікіта (VII “Б”), Бандарэвіч Паліна (V “А”).
Далей слова ўзяла Смолка Вікторыя Валер’еўна і сваёй чароўнай мовай і вытанчаным паэтычным радком выклікала непадробную цікавасць і захапленне ва ўсіх прысутных.
Падчас імпрэзы вучні пазнаёміліся з творчасцю паэткі, яе праектам “Спакойной ночи, малыши” з Вікторыяй Смолкай”, ролікі якога змешчаны на сайце школы пад рубрыкай “Літаратурны Гродна”.
Сустрэча прайшла ў абставінах цеплыні, шчырасці і зацікаўленасці.
Віктарына-прэзентацыя “Сімвалы Беларусі”
Віктарына-прэзентацыя “Сімвалы Беларусі” прайшла 22 лютага для вучняў 7-х класаў.
Чым славіцца Беларусь у свеце? Якія асобы-сімвалы вам вядомы? Ці ёсць расліны-сімвалы і жывёлы-сімвалы? Ці ведаеце вы будынкі-сімвалы? На гэтыя і іншыя пытанні адказалі сямікласнікі.
