Новости проекта
Образовательная платформа ЭФФОР
С окончанием учебного года!
Голосование
Знаете ли Вы, почему несовершеннолетний должен находиться дома в 23.00?
Всего 339 человек

Художественно-эстетический комплекс-мастерская

Дата: 9 октября 2018 в 14:38, Обновлено 27 февраля в 15:03

Художественно-эстетический комплекс-мастерская реализует общекультурное направление на учебных занятиях по белорусской и русской литературе, искусству и  внеучебной деятельности (кружки, секции, клубы по интересам, творческие мастерские, группы продлённого дня, шестой школьный день). Руководитель - Врублевская Эмма Владимировна, учитель белорусского языка и литературы.

Родная мова і новыя словы на “Словадроме”

Надзвычай гарачая дыскусія разгарнулася 26 лютага ў чытальнай зале Гродзенскай абласной бібліятэкі імя Я. Карскага на чарговым пасяджэнні грамадска-дыскусійнага клуба “Словадром”, якое было прысвечана Міжнароднаму дню роднай мовы.  І тэма спрыяла таму : “Новыя словы”. 

Лаўкостар, стартап, воркшоп, каворкінг, медыяцыя…  Новых слоў з’яўляецца так шмат, што мы часам не паспяваем спасцігаць іх значэнні. Але як часта яны замяняюць ужо знаёмыя, такія звыклыя і родныя. Чаму так адбываецца? Наколькі апраўданы гэты працэс? Чаму СМІ, якія сыплюць запазычанай, чужой нашаму слыху лексікай, зусім не клапоціць праблема яе разумення? Як гэтая з’ява адбіваецца на развіцці роднай мовы? Што чакае нашу мову праз дзесяць, сто гадоў? Вось на гэтыя пытанні і паспрабавалі адказаць удзельнікі дыскусіі, сярод якіх былі члены Саюза пісьменнікаў Беларусі, пісьменнікі-аматары, дацэнты, прафесары і студэнты ГрДУ, бібліёграфы, прадстаўнікі прэсы, а таксама вучні Х-ых класаў  нашай школы. 

 

 

На творчай сустрэчы з членам Саюза пісьменнікаў Беларусі, паэтам з Ваўкавышчыны Мікалаем Іваноўскім

У чытальнай зале школьнай бібліятэкі адбылася творчая сустрэча ўдзельнікаў літаратурнай суполкі “Альшанскі перазвон” і іншых зацікаўленых вучняў V, X класаў з вядомым ваўкавыскім паэтам  Мікалаем Іваноўскім. 

Яго паэзія, простая і даступная, як акраец духмянага хлеба, чыстая і сакавітая, як лясная крыніца, праўдзівая і шчырая, як матчына песня, не пакінула раўнадушным ніводнае дзіцячае сэрца. Пацверджаннем таму была вялікая колькасць пытанняў асабістага характару, якія былі зададзены вучнямі майстру слова падчас сустрэчы. Перазвонаўцы прачыталі паэту некалькі  сваіх вершаў і атрымалі параду працягваць пісаць па-беларуску, каб роднае слова ішло побач з імі па жыцці. 

Мікалай Іваноўскі пасля сустрэчы з вучнямі завітаў у адкрытую этнаграфічную экспазіцыю “Святло роднай хаты” і кабінет-музей “Літаратурны Гродна”, пакінуўшы ў альбоме для наведвальнікаў памятны запіс і зборнік сваіх вершаў “Сцяжыны дзяцінства” з уласным аўтографам. 

Спадзяёмся, што майстар слова стане сябрам нашай школы і яшчэ не раз завітае да нас з новымі  сваімі творамі.

  


Перазвонаўцы ў літаратурнай школе: тэма твора як мастацкая з’ява

19 лютага ў грамадскай літаратурнай школе Гродзенскага абласнога аддзялення ГА “Саюз пісьменнікаў Беларусі” прайшлі чарговыя заняткі “Тэма твора як мастацкая з’ява”.  На іх, акрамя прафесійных і самадзейных пісьменнікаў, прысутнічалі і ўдзельнікі школьнай літаратурнай суполкі “Альшанскі перазвон”. Заняткі складаліся з трох блокаў: тэарэтычнага, практычнага і аналітычнага. 

Слухачы мелі магчымасць стварыць уласную мініяцюру і паспрабавалі на практыцы разабрацца, што неабходна аўтару для раскрыцця тэмы, што такое тэма як паняцце тэорыі літаратуры і як элемент зместу твора. З дапамогай Дзмітрыя Радзівончыка і Людмілы Кебіч вызначалі і пералічалі спосабы раскрыцця тэмы, мастацкія прыёмы і сродкі, што неабходны для яе раскрыцця, у кожным прадстаўленым экспромце. Адказалі на пытанні “Якія тэмы называюць вечнымі, канкрэтна-гістарычнымі, універсальнымі?”

Вядома, не абышлі самыя хвалюючыя і актуальныя тэмы роднай мовы і Вялікай Айчыннай вайны. Большасць экспромтаў былі прысвечаны менавіта гэтым тэмам. Напрыканцы вядучы і слухачы прыйшлі да высновы аб тым, што ваенна-патрыятычная і грамадзянская тэмы для пісьменнікаў Беларусі з’яўляюцца вызначальнымі і вечнымі. 

  


“Кветка радзімы – васілёк” у гасцях у пяцікласнікаў

21 лютага ва ўсім свеце адзначаецца Міжнародны дзень роднай мовы.

Мова адыгрывае значную ролю ў забеспячэнні самабытнасці і адметнасці мірнага суіснавання чалавека і групы людзей. Яна з'яўляецца найбольш прагрэсіўным інструментам захавання і развіцця нашай культурнай спадчыны. Любая дзейнасць, якая спрыяе распаўсюджванню роднай мовы, дапаможа не толькі лінгвістычнай разнастайнасці і шматмоўю, але і адносна поўнаму разуменню моўных і культурных традыцый усіх народаў планеты.

Сёння ў свеце існуе каля 6000 моваў, і 43 адсоткі з іх знаходзяцца пад пагрозай знікнення. Толькі некалькі соцень моваў адыгрываюць значную ролю ў сістэме адукацы і дзяржаўнай сферы, менш за 100 моваў выкарыстоўваюцца ў сферы лічбавых тэхналогій.

З нагоды святкавання Міжнароднага дня роднай мовы ў рамках прадметнага тыдня 19 лютага адбылася сустрэча пяцікласнікаў ДУА «Сярэдняя школа № 39 г. Гродна» з супрацоўнікамі Музея Максіма Багдановіча. Яны падрыхтавалі і правялі для вучняў тэматычны занятак з майстар-класам «Кветка радзімы – васілёк».

Дзеці пазнаёміліся з жыццём і творчасцю класіка беларускага паэтычнага слова Максіма Багдановіча, яго вершамі «Зімой», «Слуцкія ткачыхі», «На чужыне». Даведаліся пра тое, што менавіта дзякуючы Максіму Багдановічу вобразам-сімвалам Беларусі з’яўляецца ВАСІЛЁК і як гучыць назва гэтай кветкі на чатырох мовах – рускай, беларускай, польскай, лацінскай.

Вучні ахвотна згулялі ў гульню «Як мы ведаем назвы кветак, раслін і ягад па-руску і па-беларуску», з задавальненнем падчас майстар-класа самастойна зрабілі з фаамірану сваімі рукамі паштоўку з васількамі. Кожны вучань атрымаў на памяць вобраз-сімвал нашай Радзімы і кавалачак блакітнага і мірнага неба Беларусі.

Віншуем усіх са святам – з Міжнародным днём роднай мовы!

Шчыры дзякуй загадчыку літаратурнага аддзела УК “Гродзенскі дзяржаўны гісторыка-археалагічны музей” Рапінчук Алене Іосіфаўне і малодшаму навуковаму супрацоўніку музея Анастасіі Генадзьеўне Грушэўскай за правядзенне тэматычных заняткаў з вучнямі V “Б”, “Е”, “Ж”, “З” класаў.

  

 

Нашы дзесяцікласнікі на трэцім крэатоне “Першыя ідэі: тэхналогіі” ў Гродна

З 8 кастрычніка 2019 года па 8 сакавіка 2020 ў Беларусі праходзіць сацыяльна-адукацыйны праект «Першыя» – конкурс яскравых ідэй пакалення Z: навучэнцаў 9, 10 і 11-х класаў. На працягу навучальнага года ўдзельнікі праекта маюць магчымасць раcпрацоўваць сваю ідэю, развіваць навыкі публічнага выступлення і самапрэзентацыі, атрымліваць карысныя веды на воркшопах і сустрэчах з экспертамі. 10 фіналістаў праекта, якіх абярэ журы, атрымаюць персанальных ментараў TEDx і з іх дапамогай будуць рыхтавацца да свайго вялікага публічнага выступу на маштабнай моладзевай канферэнцыі TEDxYouth@Minsk. Менавіта гэтыя 10 фіналістаў выйдуць у знакаміты чырвоны круг TED і прэзентуюць свае ідэі перад вялікай аўдыторыяй. Усе яны атрымаюць прызы – смартфоны iPhone Xs.

Праект «Першыя» цалкам рэалізуецца на беларускай мове, у тым ліку ўсе майстар-класы і публічныя выступы фіналістаў, бо адна з мэтаў гэтага праекта – пашырэнне выкарыстання беларускай мовы і яе вядомасці ў сусветнай прасторы з дапамогай супольнасці TED.

Сацыяльна-адукацыйны праект «Першыя» рэалізуецца кампаніяй А1 пры падтрымцы арганізатараў канферэнцый TEDxMinsk. У мінулым годзе кампанія А1 ужо праводзіла падобны адукацыйны праект velcom YOUTH. Праект «Першыя» ў гэтым годзе праходзіць яшчэ больш маштабна – запланаваны воркшопы і адукацыйныя мерапрыемствы не толькі ў Мінску, але і ў Гродна, Гомелі, Магілёве і Віцебску.

Першы крэатон “Першыя ідэі: культура” прайшоў 18 студзеня ў Віцебску. А 1 лютага ў Магілёве адбыўся крэатон «Першыя ідэі: інклюзія», старшакласнікі з Магілёўшчыны гутарылі пра камфортнасць гарадской прасторы для людзей з асаблівымі патрэбамі і магчымасці іх удзелу ў грамадскім жыцці.

15 лютага 10-класнікі нашай школы мелі магчымасць пабываць на трэцім крэатоне “Першыя ідэі: тэхналогіі”, які праходзіў у бізнес-цэнтры “Біржа”, што знаходзіцца на пр. Касманаўтаў у Гродна. Сабралася больш за сотню старшакласнікаў і іх настаўнікаў са школ і гімназій горада.

Удзельнікі каманд разважалі, як з дапамогай сучасных тэхналогій можна зрабіць больш эфектыўным працэс навучання, а яшчэ прыдумвалі дадаткі, карысныя для нашага грамадства.
 Крэатон у Гродне праходзіў надзвычай актыўна: столькі смелых, крэатыўных, карысных ідэй, якія сапраўды здольныя змяніць свет да лепшага!

Вельмі прыемна, што сярод самых актыўных генератараў ідэй былі нашы дзяўчыны Архіпава Віялета і Булаш Дар’я. Яны былі абраны (а Віялета неаднаразова) спікерамі ў сваіх камандах. Усяго іх было 10, прычым у выбары удзельнікаў каманд выкарыстоўваўся прынцып выпадковасці. Дзяўчатам прыйшлося прэзентаваць на беларускай мове ідэі сваёй групы перад сур’ёзным, кампетэнтным журы і ўсімі гледачамі крэатона. Гэта было вельмі хвалююча і адказна, як прызнаваліся пасля мерапрыемства дзяўчаты, але ўдзел у такіх цікавых воркшопах дае каласальны вопыт публічнага выступу, работы ў групе, зносін з незнаёмымі, але цікавымі і крэатыўнымі аднагодкамі.  І першы вопыт для дзяўчат не прайшоў без удачы:   Віта ўвайшла ў тройку лепшых спікераў па выніках другога тура, а Даша была адзначана за лепшае валоданне беларускай мовай сярод дваццаці выступоўцаў. Яны атрымалі каштоўныя падарункі ад арганізатараў крэатона. 

Чатыры гадзіны адукацыйнага мерапрыемства ад кампаніі А1 прайшлі незаўважна. Атрымаўшы масу пазітыўных эмоцый, дзяўчаты вярталіся дамоў з цвёрдым намерам ў будучым годзе таксама прыняць удзел у падобным мерапрыемстве.

Дарэчы будзе сказаць, што Булаш Дар’я разам са сваёй настаўніцай беларускай мовы і літаратуры Урублеўскай Э.У. падрыхтавалі відэаролік і пашыраную прэзентацыю сваіх ідэй у накірунку “Культура” і ўжо даслалі заяўку для ўдзелу ў фінале конкурсу. З гэтай нагоды на крэатоне дзяўчына дала інтэрв’ю тэлекампаніі “Гродна+”, якое можна будзе паглядзець у панядзелак 17 лютага ў вячэрніх выпусках навін і ранішніх – у аўторак 18.02. 

Давайце пажадаем Булаш Дар’і ўдачы: увайсці ў дзясятку лепшых спікераў рэспубліканскага конкурсу яскравых ідэй “Першыя”!

  

                  Больш падрабязна пра конкурс і яго падзеі можна даведацца па спасылках:

https://vk.com/generationa1

   generation.A1.by    

 

Этыкет: учора, сёння, заўтра…

Пра тое, што такое этыкет і як ён мяняўся на працягу гісторыі чалавецтва ад рыцарскіх кодэксаў да сучаснага паняцця нэтыкету, ішла размова на першым ў новым 2020 годзе пасяджэнні грамадска-дыскусійнага клуба “Словадром”. 

Як звычайна бывае апошнім часам, у сектары абслугоўвання ўніверсальнай чытальнай залы Гродзенскай абласной навуковай бібліятэкі імя Я.Ф.Карскага не было дзе яблыку ўпасці. Гэта гаворыць аб тым, што тэма чарговай дыскусіі вельмі актуальная не толькі сярод старэйшага пакалення, але і моладзі, бо за круглым сталом сядзела шматлікая дэлегацыя з СШ № 36, гімназіі № 9 і СШ № 39.

Кацярына Насута, біёлаг, пісьменнік-публіцыст, пачала дыскусію і распавяла пра гісторыю этыкету яшчэ з часоў старажытных цывілізацый, сцвердзіўшы думку: чым вышэй ставіўся чалавек, тым больш жорсткімі былі правілы паводзін. Бібліёграф і архівіст Карына Пятроўна Батракова прыгадала, што першым паняцце этыкету было ўведзена каралём Францыі Людовікам 14. А Міхаіл Багданавіч Пажарыцкі, супрацоўнік аддзела абслугоўвання навуковай бібліятэка ГрДУ імя Я. Купалы, расказаў пра традыцыі маралі ў творах мастацкай літаратуры і такую супярэчнасць, як тое, што пад маскай высокамаральнага чалавека часта выступаюць нізкія і нікчэмныя людзі.  Некаторыя прадстаўнікі старэйшага пакалення выступілі ініцыятарамі калектыўнага пісьмовага звароту да ўраду рэспублікі аб неабходнасці вяртання ва ўстановы адукацыі прадмета “Этыка”.

Сваё слова выказалі і прадстаўнікі маладога пакалення. У прыватнасці, вучаніца Х класа нашай школы Булаш Дар’я паведаміла ўдзельнікам клуба пра такую новую з’яву ў сацыяльных сетках, як нэтыкет, чым выклікала цікавасць ўсёй аўдыторыі. А калі Дзмітрый Мікалаевіч Радзівончык звярнуўся да аднаго з выступоўцаў, навучэнца-гімназіста, з пытаннем “Як, на яго думку, зменіцца этыкет ў будучым?”, то атрымаў адказ “Усё ў нашых руках”, чым выклікаў бурныя апладысменты ва ўсёй зале.  

  


“Вобраз крытыка” разам з прафесарам

Заняткі ў грамадскай літаратурнай школе, што адбыліся 18 студзеня 2020 года ў офісе ГАА СПБ, былі прысвечаны надзвычай цікавай тэме - “Вобраз крытыка”. Ганаровым і чаканым госцем на іх быў знакаміты беларускі літаратуразнавец, выкладчык ГрДУ імя Янкі Купалы з 60-гадовым стажам, прафесар Аляксей Міхайлавіч Пяткевіч. На занятках, акрамя сталых членаў і сяброў гродзенскага аддзялення ГА “Саюз пісьменнікаў Беларусі”, прысутнічалі студэнты – члены літаратурнага клуба “Катарсіс” пры ГрДМУ, вучні ДУА “Сярэдняя школа № 36 г. Гродна” з польскай мовай навучання і дэлегацыя вучняў Х “Б” класа нашай школы на чале з настаўнікам беларускай мовы і літаратуры Урублеўскай Э.У. Вялі заняткі старшыня аддзялення Людміла Антонаўна Кебіч і сакратар Радзівончык Дзмітрый Мікалаевіч.

Заняткі насілі тэарэтычна-практычную форму. Напачатку мэтр літаратуразнаўства закрануў такія пытанні, як вобраз літаратурнага крытыка і яго інтэрпрэтацыі, задачы, роля крытыка ў сучасным літаратурным працэсе, што робіць крытыку сапраўды літаратурнай, жанры і метады літаратурнай крытыкі і іншыя.

Вучні СШ № 36 прачыталі на суд прафесара свае вершы і атрымалі ад яго слушныя парады па ўдасканаленні зместу і формы, рытмікі твораў. 

У практычнай частцы заняткаў Дзмітрый Мікалаевіч прапанаваў слухачам школы за 10 хвілін стварыць уласны твор-экспромт на зададзеную тэму. А потым кожны змог прадэманстраваць вынік сваёй працы і атрымаць крытычныя заўвагі ад прафесіянала.

Трэба адзначыць, што А.М. Пяткевіч паказаў усім слухачам школы прыклад высокай культуры і кампетэнтнасці ў галіне літаратурнай крытыкі і выклікаў павагу не толькі да сябе, а і да ўсёй беларускай літаратурнай навукі. 

 

 

І ўсё ж такі пачуюць голас мой…

18 снежня 2019 года ў сектары абслугоўвання ўніверсальнай чытальнай залы Гродзенскай абласной навуковай бібліятэкі імя Я.Ф.Карскага прайшло трыццаць восьмае пасяджэнне грамадскага дыскусійнага клуба «Словадром», адкрытага сацыяльна-асветніцкага праекта, створанага Гродзенскім абласным аддзяленнем Саюза пісьменнікаў Беларусі.

Апошняя ў адыходзячым 2019 годзе сустрэча была праведзена ў форме літаратурнай вечарыны. Памяшканне чытальнай залы па вул. Савецкай, 8 ледзь змагло змясціць усіх жадаючых. Клубная сустрэча на тэму «Мой голас» працягвала вялікі цыкл пад назвай «Мой свет». Мерапрыемства прыцягнула аматараў аўтарскай творчасці, сабраўшы вакол яго, як вакол навагодняй ёлкі, моладзь і пенсіянераў, педагогаў і работнікаў культуры.

Адкрыла сустрэчу цырымонія ўзнагароджання. Старшыня ГАА СПБ Людміла Антонаўна Кебіч ўручыла падзячныя лісты членам клуба за эфектыўны, сацыяльна значны ўдзел у яго працы ў адыходзячым годзе. У спісе адзначаных: педагог-філолаг Э.В.Урублеўская; педагог, літаратар И.А.Салата; ветэран працы, літаратар Н.В.Чаклина-Горбачѐва; ветэран працы, гісторык-архівіст К.П.Батракова; літаратар А.П.Волкаў; паэткі С.В.Глембоцкая, Е.Г.Чэпукене і Н.Г.Солтан.

Якая ж вечарына без песень? Творы свайго сачынення на вершы беларускіх паэтаў праспяваў Аляксандр Закрэўскі, кіраўнік клуба творчай інтэлігенцыі “Грані”, а закончыў вечарыну сваімі песнямі паэт-бард Анатоль Апанасевіч.

Кожны прысутны мог выказацца, і кожны з выступоўцаў быў узнагароджаны апладысментамі. Прывабным было тое, што сваё слова выказала на сустрэчы шмат юных дараванняў з розных школ Гродна. У чарговы раз падтрымаць клубны гурт прыйшлі дэлегацыі СШ № 39 г. Гродна на чале з настаўнікам беларускай мовы і літаратуры Эмай Уладзіміраўнай Урублеўскай, а таксама дэлегацыя гімназіі № 9 г. Гродна пад кіраўніцтвам настаўніка беларускай мовы і літаратуры Валянціны Браніславаўны Вітут. Са «школьным саюзам пісьменнікаў» 39-й школы пастаянныя ўдзельнікі клуба ўжо нядрэнна знаёмыя. На літаратурным вечары ў чытанні юнай паэткі Нікі Статкевіч прагучала лірычнае прысвячэнне школьнаму літаратурнаму аб'яднанню «Альшанскі перазвон», у якім адлюстраваўся год жыцця дзяцей і педагогаў. І што асабліва было прыемна арганізатарам - згадвалася пра сяброўства школы з клубам «Словадром». Аўтар твора - настаўніца беларускай мовы і літаратуры Рыта Антонаўна Трацяк.

Такім чынам, працоўны год у грамадскім дыскусійным клубе завершаны. Па сутнасці, арганізатары і ўдзельнікі не робяць нічога асаблівага: проста раз у месяц збіраюцца разам, гутараць і слухаюць адзін аднаго… І ўсё ж, каб не гэтая магчымасць, з нашага жыцця пры ўсёй яго разнастайнасці сышло б нешта вельмі важнае. 

Да сустрэчы ў клубе ў новым 2020-м годзе!

  


Вобраз героя ў мастацкім творы

Ролю вобраза героя ў мастацкім творы цяжка пераацаніць, калі мы гаворым пра сапраўднае мастацтва. І што б хто з навамодных літаратурных крытыкаў ні гаварыў, а твор без галоўнага героя нежывы. Другая справа, як стварыць вобраз такім, каб твор хацелася дачытаць да канца і адчуць сябе напоўненым нейкім новым сэнсам, новым ўяўленнем пра свет і сябе ў гэтым свеце.

На чарговых занятках грамадскай літаратурнай школы ў офісе абласнога аддзялення ГА “Саюз пісьменнікаў Беларусі” нашым 10-класнікам пастаўлена была задача за 15 хвілін стварыць невялікую мініяцюру, штрых да вобраза героя ўласнага твора. Толькі твор у нас, у адрозненне ад іншых слухачоў літшколы, атрымаўся калектыўны. Але ад гэтага не менш варты, бо быў даволі высока ацэнены пісьменнікамі-прафесіяналамі: Л.А. Кебіч, Г.І. Скаржынскай-Савіцкай, Д.М. Радзівончыкам.

Пасля таго, як кожны з удзельнікаў прэзентаваў свайго экспромт-героя (лірычнага ці празаічнага) і адбылося яго абмеркаванне, вучні адзначылі, што такая форма правядзення заняткаў была адной з найбольш цікавых, што мелі месца напрацягу ўсяго часу нашага наведвання літшколы.

Чакаем новых цікавых іспытаў і парад ад прафесіяналаў.

   


“Мая ініцыятыва” на “Словадроме”

30 кастрычніка ў канферэнц-зале абласной бібліятэкі імя Я.Карскага на пасяджэнні грамадска-дыскусійнага клуба “Словадром” было як ніколі мнагалюдна. Каля сарака чалавек (завадатары клуба , госці, а таксама вучні 10-х класаў нашай школы) удзельнічалі ў дыспуце, прысвечаным тэме “Мая ініцыятыва”. Вядучы клуба, Д.М.Радзівончык з самага пачатку скіраваў аўдыторыю на разважанні вакол паняццяў “ініцыятыва”, “жаданне”, “валанцёрства”, “энтузіязм” і іх адрозненні. 

Цікавым было выступленне эксперта ў галіне валанцёрства, члена БРСМ, кіраўніка руху “Добрае сэрца” Уладзіслава Мандзіка, які расказаў пра апошнюю ініцыятыву “Крыніцы”, у выніку якой каля 10 тон смецця было сабрана і вывезена з берагоў Нёмана. 

Падзяліўся шэрагам сваіх ініцыятыў вядомы ў культурным асяроддзі Гродна Марк Аляксандравіч Коп, дзякуючы якому з 1999 года ў рэспубліцы адзначаецца Дзень работніка культуры. 

Пісьменніца Кацярына Насута расказала пра тое, што сучасны свет прапануе ўсе магчымасці для рэалізацыі разнастайных ініцыятыў, і прапанавала часцей заглядаць на сайт petitsia.by і размяшчаць там свае ініцыятывы, прыцягваць увагу гандлёвых сетак для ажыццяўлення грамадскіх праектаў.

Шмат ініцыятыў прагучала ў зале. Пісьменнік Ю.Саласюк прапанаваў стварыць помнік і музей В. Быкава ў Гродне. 11-класніца гімназіі № 9 Дзіяна – дапамагчы, чым хто можа, прытулку для жывёл.  

Цікавая дыскусія разгарнулася вакол пытання “Чаму ініцыятыва часам караецца?” Удала выказалася на гэты конт старшыня Гродзенскага аддзялення СПБ Л.А. Кебіч і пажадала кожнаму перад тым, як прасоўваць нейкую ініцыятыву, задаваць сабе пытанне “Што зменіцца ў жыцці акаляючых людзей з рэалізацыяй майго праекта?” і быць гатовым да таго, што не ўсім ваша ініцыятыва можа падабацца, бо, як пісаў У. Караткевіч, “вяршыні самых высокіх дрэваў часцей за ўсё б’е маланка”.

Кастрычніцкае пасяджэнне запомніцца надоўга, бо кожны з прысутных, выходзячы з залы, быў перакананы ў тым, што трэба жыць дзеля дабра, прыносіць карысць, дапамагаць усім, хто патрабуе дапамогі, і не чакаць за гэта падзякі.

  

  

    


Сустрэча пяцікласнікаў з Гродзенскім музеем М. Багдановіча ў нашай школе

25 кастрычніка ў чытальнай зале школьнай бібліятэкі адбылася цікавая падзея, якая ўжо выклікала станоўчы рэзананс сярод вучняў і настаўнікаў нашай школы. Да нас у госці прыехаў Гродзенскі музей М. Багдановіча з цікавымі інтэрактыўнымі заняткамі “Кветка Радзімы васілёк” для вучняў 5-х класаў. https://bagdanovichmuseum.by/naviny/99.html  

Дзеці не толькі  пазнаёміліся з асобай Максіма Багдановіча і з “кветкай Радзімы васільком”, а яшчэ і паспрабавалі самі зрабіць паштоўку з гэтым сімвалам Беларусі. Сустрэча прайшла на высокім пазітыўным і пазнавальным узроўні. Шчыра дзякуем кіраўніку музея Алене Іосіфаўне Рапінчук за супрацоўніцтва па прапагандзе беларускай мовы і ўвогуле роднай культуры сярод вучняў нашай школы.

Супрацоўнікі музея запрашаюць на інтэрактыўныя гульні для вучняў 7-11 класаў. Чакаем новых сустрэч з асобай  Максіма Багдановіча і яго творчасцю.

Дзякуй вялікі настаўнікам беларускай мовы і літаратуры М.М. Кечань і Т.В. Чарток за дапамогу ў нашай агульнай справе і школьным бібліятэкаркам за іх гасціннасць!

 

 


Сустрэча ўдзельнікаў дыскусійнага клуба "Словадром"

25 верасня 2019 года распачаўся новы сезон у гродзенскім грамадска-дыскусійным клубе “Словадром”, у якім прымаюць актыўны ўдзел старшакласнікі з нашай школы. Тэма першага паседжання – “Мэта нашага жыцця”. Наведвальнікі клуба распавялі пра свае меркаванні наконт размежавання паняццяў “мэта жыцця” і “сэнс жыцця”, мэтаў асабістых, грамадзянскіх і дзяржаўных. Не абмінулі і такое паняцце, як мэта ўстойлівага развіцця Беларусі.

Кандыдат гістарычных навук, член Саюза пісьменнікаў Беларусі У.Я. Ягорычаў падзяліўся вопытам пастаноўкі і дасягнення мэтаў на розных этапах свайго жыцця. А.В. Руцкая, паэтэса, член СПБ, вядомы метадыст і літаратуразнавец, расказала ўласную гісторыю і зрабіла спасылку на класіка беларускай літаратуры Якуба Коласа, які пісаў: “Чалавек жыве дзеля дабра…”. Падчас дыспуту ў канферэнц-зале абласной бібліятэкі імя Я. Карскага гучала шмат вершаў-споведзяў, вершаў-прызнанняў. Усіх дыспутантаў аб’ядноўвала ідэя адраджэння роднай мовы, павышэння нацыянальнай самаацэнкі беларусаў.

Пераважная большасць удзельнікаў ужо мела вялікі жыццёвы вопыт, і іх вельмі цікавіла пытанне: якія ж мэты ставіць перад сабой сучаснае маладое пакаленне? На гэтае пытанне вельмі прыстойна адказала вучаніца 10 “А” класа нашай школы Архіпава Віялета, адзначыўшы, што для яе самае важнае на сённяшні момант – знайсці сябе, раскрыць увесь свой патэнцыял і разумець, чым бы хацелася займацца ўсё сваё жыццё, каб кожны дзень з вялікім задавальненнем хадзіць на працу, каб яна стала для яе сапраўнай і любімай справай.  За свой выступ Віта атрымала ўсеагульнае адабрэнне і была ўзнагароджана бурнымі апладысментамі.

Дзве гадзіны дыскусіі прайшлі незаўважна. Напрыканцы сустрэчы па традыцыі ўсе сышліся для агульнага фотаздымка.

 

 


Вікторыя Смолка запрашае...

Сустрэча з таленавітым паэтам - заўсёды знакавая падзея ў жыцці чалавека. Таму настаўнікі роднай мовы і літаратуры імкнуцца часта запрашаць пісьменнікаў у школу да сваіх вучняў. Але магчымасць браць урокі літаратурнага майстэрства ў самага маладога члена Гродзенскага абласнога аддзялення ГА "Саюз пісьменнікаў Беларусі" Вікторыі Смолкі маюць далёка не многія хлопчыкі і дзяўчынкі нашага горада. І мы вельмі ганарымся, што паэтэса будзе кіраваць літаратурным гуртком менавіта ў нашай школе.

Многія вучні ўжо знаёмы з паэткай і яе творчасцю, бо Вікторыя Смолка - наш часты госць. Яна прымала ўдзел у прэзентацыі першага школьнага альманаха "Альшанскі перазвон", а таксама  прысутнічала пры адкрыцці кабінета-музея "Літаратурны Гродна".

І сёння, 11.02.2019 г., у актавай зале адбылася яе сустрэча з зацікаўленымі вучнямі 5-6 класаў. Спадзяёмся, што многія з іх у будучым стануць шчырымі аматарамі прыгожага пісьменства. 

У добры шлях!


Республиканская научно-практическая конференция «Семья и школа: пути формирования национально-культурной идентичности учащихся»

18 мая 2019 года на базе учреждения образования «Средняя школа № 39 г. Гродно» состоялась республиканская научно-практическая конференция «Семья и школа: пути формирования национально-культурной идентичности учащихся», посвящённая 75-летию освобождения Беларуси от немецко-фашистских захватчиков и Году малой родины в рамках проекта «Сотрудничество: ГрГУ имени Янки Купалы – СШ № 39 г. Гродно - республиканский журнал «Планета – семья» (Минск). 

Конференция состояла из двух частей. В информационно-практической части освещались вопросы взаимодействия семьи и школы по формированию национально-культурной идентичности учащихся.

Вторая часть конференции включала в себя интерактивную тематическую экскурсию по школе с презентацией работы педагогов и учащихся СШ № 39 г. Гродно по инновационному проекту «Внедрение модели формирования национально-культурной идентичности учащихся: интеграция учебной и внеучебной деятельности учреждения образования – социокультурного центра региона».

 

 

 На “Словадроме” – пра мову як апору

     27 лютага 2019 года адбылося чарговае пасяджэнне грамадскага дыскусійнага клуба “Словадром”, прысвечанае Міжнароднаму дню роднай мовы. Таму і тэма была абрана не выпадкова. Гаварылі з запалам, любасцю і шчырай павагай пра “Мову як апору, устойлівыя выразы” і прызнаныя гродзенскія мовазнаўцы – прафесар Даніловіч М.А., дацэнты кафедры беларускай філалогіі Сабуць А.Э., Шандроха Н.Э, Казлоўскі Р.К., Руцкая А.В., і настаўнікі гродзенскіх школ са сваімі вучнямі, і студэнты ГрДУ, і людзі, не звязаныя з сістэмай адукацыі.

     Усіх у канферэнц-зале абласной бібліятэкі імя Я. Карскага аб’яднала жаданне выказаць сваё стаўленне да моўнай сітуацыі ў рэспубліцы, паказаць непаўторнасць, арыгінальнасць і багацце беларускіх прыказак, прымавак, фразеалагізмаў і афарызмаў. “Устойлівыя – значыць, надзейныя, добрыя”, - так ахарактарызаваў прадмет гаворкі прафесар Даніловіч М.А. Як аксіёма прагучаў з яго вуснаў уласны выраз аб тым, што “беларуская мова – самая славянская мова свету”, і прыведзены былі безапеляцыйныя аргументы.

    Шмат новага прысутныя даведаліся пра гісторыю беларускай фразеалогіі. Кожны з выступоўцаў падзяліўся сваімі ўлюбёнымі ўстойлівымі выразамі. Удзельнікі сучтрэчы пачулі   цікавыя  ці смешныя гісторыі, звязаныя з выкарыстаннем той ці іншай прыказкі. Спрэчкі, як звычайна гэта бывае ў клубе, не адбылося, бо кожны разумеў  неабходнасць існавання мовы, яе невычарпальнага багацця – устойлівых выразаў.


Сустрэча з паэтам

           20 лютага 2019 года ў межах Тыдня беларускай мовы і літаратуры настаўнікі Урублеўская Э.У. і Шаціло С.М. арганізавалі і правялі сустрэчу для вучняў VII “Е” класа з паэтам, празаікам, членам Гродзенскага абласнога аддзялення Саюза пісьменнікаў Беларусі Сямінскім Пятром Яраслававічам. Пётр Яраслававіч прадэкламаваў уласныя вершы, пазнаёміў са сваімі празаічнымі творамі і дасягненнямі ў галіне літаратурнай дзейнасці.   Падчас сустрэчы вучні задавалі шмат пытанняў пісьменніку. Удзельнікі мерапрыемства настолькі былі ўражаны талентам Пятра Яраслававіча, што не хацелі з ім развітвацца. Ва ўсіх засталіся станоўчыя эмоцыі і прыемныя ўражанні ад убачанага і пачутага.

 

 

На “Словадроме” - пра мастацтва спрэчкі і айчыннага супергероя

Чарговая сустрэча на “Словадроме” была асабліва цікавай, паколькі гаварылася на ім пра “Мастацтва спрэчкі”. Вось так: не больш, не менш. Часам эмоцыі ў грамадскім дыскусійным клубе кіпяць не дзіцячыя.

   Адгалоскам адной з мінулых паседжанняў была спрэчка наконт існавання паняцця “супергероя” ў беларускім грамадстве. Сталым членам  клуба было цікава паслухаць меркаванні маладога пакалення. Як заўсёды, вельмі слушнымі і аргументаванымі былі выказванні кандыдата філалагічных навук, дацэнта кафедры беларускай філалогіі, літаратуразнаўцы Казлоўскага Р. К., дацэнта кафедры гісторыі Беларусі, археалогіі і спецыяльных гістарычных дысцыплін, кандыдата гістарычных навук Ягорычава У.Я., іншых знакамітых удзельнікаў клуба.

    Падчас рэфлексіі пасля паседжання дзевяцікласнікі СШ № 39 г. Гродна ў адзін голас адзначылі, што сустрэча была для іх вельмі карыснай і запамінальнай.


Удзельнікі школьнага тэатральнага гуртка ўшанавалі Каляду

14 студзеня 2019 года ўдзельнікі школьнага тэатральнага гуртка (кіраўнік — Г.М.Скрыпко, настаўнік беларускай мовы і літаратуры), ушаноўвалі Каляду, жадалі вучням спрыяння ў вучобе, ладу ў сям’і, добрага здароўя, шчаслівага лёсу.  Наведалі сем калектываў: з І па ІX клас - і даставілі шмат прыемных уражанняў і вучням, і настаўнікам.  Ролі калядоўшчыкаў разыгрывалі:

Юрэвіч Іван – Зорканоша

Сцяпушчык Маргарыта – Механоша

Паўлючык Максім – Мядзведзь

Гешко Ангеліна – Павадыр Мядзведзя

Абухоўскі Аляксей – Каза

Піхтава Анжаліна і Дабрэнка Дзмітрый - Цыганы

Разам з сынам Юрэвічам Іванам і яго сябрамі па гуртку па Калядзе хадзіла і Рагожкіна Кацярына Мікалаеўна.

 


Сустрэча з Браніславам Іосіфавічам Ермашкевічам

У рамках адзінага дня інфармавання “ШАГ” – Школа Активного Гражданина ” 19 снежня прайшла сустрэча з Браніславам Іосіфавічам Ермашкевічам, беларускім паэтам, ганаровым членам Саюза пісьменнікаў Беларусі, лаўрэатам прэміі Гродзенскага аблвыканкама імя А.І.Дубко “За творчыя дасягненні ў галіне культуры і   мастацтва” ў намінацыі  “Пісьменнік года – 2008”, прысвечаная 100-годдзю ўтварэння БССР. Сустрэча для вучняў IX-х класаў была арганізавана па тэхналогіі “Сто пытанняў даросламу: падзеі, факты, каментарыі”настаўнікамі Урублеўскай Э.У. і Янучэня Д. С. у чытальнай зале бібліятэкі.

Паэзія Янкі Купалы як нельга лепш перадала патрыятычны пафас, мару беларускага народа аб дзяржаўнасці і незалежнасці. Дар’я Сяргееўна навяла гістарычную спраўку і паведаміла пра нялёгкі працэс атрымання незалежнасці, пра першых кіраўнікоў дзяржавы. Навучэнцы пачыталі свае вершы пра любоў да малой радзімы. Яны пачулі прачулыя патрыятычныя вершы з вуснаў аўтара Б.І. Ермашкевіча, пазнаёміліся з яго кнігамі, паслухалі цікавыя аповеды пра герояў, чыімі імёнамі названы вуліцы Гродна, і атрымалі адказы на свае пытанні.

 

 


Изображение

19.12.2018 г.  у канферэнц-зале Гродзенскай абласной бібліятэкі адбылося падагульняючае ў гэтым годзе паседжанне грамадскага дыскусійнага клуба “Словадром”

19.12.2018 г.  у канферэнц-зале Гродзенскай абласной бібліятэкі адбылося падагульняючае ў гэтым годзе паседжанне грамадскага дыскусійнага клуба “Словадром”, створанага Гродзенскім абласным аддзяленнем Саюза пісьменнікаў Беларусі. Нам прыемна, што арганізатары не забываюць пра ўдзельнікаў нашай школьнай суполкі юных літаратараў “Альшанскі перазвон” і запрашаюць на чарговыя паседжанні. Тэма “Маё слова” выклікала прадстаўнікоў гродзенскай інтэлектуальнай эліты да размовы і развагі пра тое, з чым кожны прыйшоў да канца  2018 года, якія словы ён хацеў бы сказаць сабе і прысутным у зале аднадумцам.

Изображение


Урачыстае адкрыццё кабінета-музея “Літаратурны Гродна”

22 лістапада ў ДУА “Сярэдняя школа № 39 г. Гродна” адбылася  знамянальная падзея – урачыстае адкрыццё кабінета-музея “Літаратурны Гродна”. На ўрачыстасць завіталі пісьменнікі – члены гродзенскага аддзялення грамадскага аб’яднання “Саюз пісьменнікаў Беларусі”: Браніслаў Ермашкевіч, Святлана Тарасава, Ганна Скаржынская-Савіцкая, Дзмітрый Радзівончык, Вікторыя Смолка.

Изображение


Изображение

Пра дзіцячую літаратуру разам з паэткай Аленай Руцкай

14 лістапада ў літаратурнай школе на базе офіса Гродзенскага філіяла ГА “Саюз пісьменнікаў Беларусі” адбыліся чарговыя заняткі грамадскай літаратурнай школы, на якіх прысутнічалі нашы перазвонаўцы на чале з кіраўніком – настаўніцай беларускай мовы і літаратуры Урублеўскай Э.У.

Изображение


Изображение

Пасяджэнне грамадскага дыскусійнага клуба “Словадром”

31.10.2018 г. у канферэнц-зале Гродзенскай абласной бібліятэкі імя Я. Карскага адбылося чарговае пасяджэнне грамадскага дыскусійнага клуба “Словадром”, у якім прынялі ўдзел кіраўнік нашай школьнай літаратурнай суполкі “Альшанскі перазвон” Урублеўская Э.У. са сваімі выхаванцамі – вучнямі 9-ых класаў. Тэма, як і заўсёды, была цікавая – “Імёны і псеўданімы”. Вяла дыскусію на гэты раз старшыня Гродзенскага філіяла ГА “СПБ” Л.А.Кебіч.

Изображение


ИзображениеСустрэча ўдзельнікаў дыскусійнага клуба "Словадром"

26 верасня 2018 года ў абласной навуковай бібліятэцы імя Я.Ф.Карскага адбылася тэматычная сустрэча ўдзельнікаў дыскусійнага клуба "Словадром". Пісьменнікі, навукоўцы, літаратары, грамадскія дзеячы, настаўнікі і вучні абмяркоўвалі тэму "Мая школа". Вялі гаворку пра асаблівасці і праблемы адукацыі ў сацыяльна-істарычным кантэксце.

Изображение

Комментарии:
Оставлять комментарии могут только авторизованные посетители.