Новости проекта
Мобильное приложение Schools.by
С Днем знаний!
Голосование
Знаете ли Вы, почему несовершеннолетний должен находиться дома в 23.00?
Всего 920 человек

Праект "Літаратурны Гродна"

Дата: 11 февраля 2019 в 12:55, Обновлено 28 июня в 15:15





У чарговым выпуску аўтарскага праекта «Відавочнае аб патаемным, патаемнае аб відавочным» члена СПБ, дацэнта кафедры беларускай філалогіі ГрДУ імя Янкі Купалы Руслана КАЗЛОЎСКАГА гаворка ідзе пра абрад ГУКАННЕ ВЯСНЫ.




"Свет літаратуры – сапраўднае цуда. Колькі неверагодных гісторый, герояў і падзей сустракаем мы амаль на кожнай кніжнай старонцы. Яны вучаць нас такім простым і разам з тым складаным рэчам, як дабрыня, пяшчота, сяброўства, каханне, адданасць, паказваюць усе бакі нашага жыцця і адлюстроўваюць пачуцці праз яркія і алегарычныя вобразы.

Аднак за кожным прыгожым вершам, кожным радком, кожным выразам заўсёды стаіць чалавек, чый творчы шлях можа быць вельмі цікавым і разнастайным.

Новы відэапраект абласной бібліятэкі “Пісьменнік і кніга” пазнаёміць вас, паважаныя чытачы, з беларускімі аўтарамі з усім іншага боку: больш жыццёвага і эмацыянальнага." https://grodnolib.by/%D0%BF%D1%96%D1%81%D1%8C%D0%BC%D0%B5%D0%BD%D0%BD%D1%96%D0%BA-%D1%96-%D0%BA%D0%BD%D1%96%D0%B3%D0%B0/


Віншуем настаўніка дадатковай адукацыі нашай школы, кіраўніка літаратурнага гуртка "Вершаваная музыка", члена ГА "Саюз пісьменнікаў Беларусі" Вікторыю Валер'еўну Смолку. Яна стала лаўрэатам Міжнароднага моладзевага фестывалю-конкурсу паэзіі і паэтычных перакладаў “Берагі дружбы”.


Сябры! Сустракайце новую літаратурную рубрыку ад Гродзенскага абласнога аддзялення ГА "Саюз пісьменнікау́ Беларусі". У  сваім аўтарскім праекце "Відавочнае аб патаемным" вядомы беларускі фалькларыст Руслан Казлоу́скі адкрые для вас у́се таямніцы беларускіх казак, легендау́ і міфау́.


Шаноу́ныя сябры! У рамках супрацоу́ніцтва школьнай літаратурнай суполкі "Альшанскі перазвон" з Гродзенскім абласным аддзяленнем ГА "Саюз пісьменнікау́ Беларусі" на чарговае спатканне са сваім паэтычным словам вас сардэчна запрашае паэт Дзмітрый Радзівончык. Прыемнага прагляду.


У чарговым выпуску сумеснага праекта Гродзенскай абласной навуковай бібліятэкі імя Я. Ф. Карскага і Гродзенскага абласнога аддзялення СПБ пад назвай «Творы і творцы анлайн» вас чакае вiдэа-сустрэча з адной з самых вядомых айчынных дзiцячых пiсьменнiц Ганнай Скаржынскай-Савіцкай. Сустракайце, калi ласка.


Паважаныя вучні, бацькі і настау́нікі!
Запрашаем вас на віртуальныя сустрэчы з пісьменнікамі Гродзеншчыны і прапануем паслухаць творы аўтара, не выходзячы з дому.

Шчыра спадзяёмся, што паэтычнае слова падыме кожнаму настрой і напоўніць станоўчымі эмоцыямі.

Анлайн-праект “Творы і Творцы” пачынаем з выступлення Людмілы Кебіч, беларускай пісьменніцы, старшыні Гродзенскага абласнога аддзялення Саюза пісьменнікаў Беларусі.


Пабачыў свет трэці выпуск альманаха

“Альшанскі перазвон і сябры”

20 кастрычніка адбылася доўгачаканая падзея для ўдзельнікаў школьнай літаратурнай суполкі “Альшанскі перазвон” і юных мастакоў-ілюстратараў. Пабачыў свет новы, ужо трэці, альманах “Альшанскі перазвон і сябры”. Гэты зборнік мае свае адрозненні ад першых выпускаў. У ім чытач знойдзе творы прадстаўнікоў старэйшага пакалення, прысвечаныя суполцы, нашай школе, кабінету-музею “Літаратурны Гродна”, а таксама вершы, казкі, легенды вучняў іншых школ горада Гродна. І хоць іх не так шмат, але перазвонаўцы спадзяюцца, што ў хуткім часе сяброў у іх стане значна больш. А пакуль чытайце творы, разглядайце малюнкі і абавязкова спрабуйце сябе… Перазвонаўцы разам са сваім кіраўніком Урублеўскай Э.У. будуць вельмі рады бачыць у сваіх радах шчырых аматараў роднага слова.

Хочацца падзякаваць за дапамогу ў стварэнні зборніка настаўніка выяўленчага мастацтва Макарчык Г.М. і настаўніка інфарматыкі Каласоўскую М.М.

Родная мова і новыя словы на “Словадроме”


На творчай сустрэчы з членам Саюза пісьменнікаў Беларусі, паэтам з Ваўкавышчыны Мікалаем Іваноўскім


Перазвонаўцы ў літаратурнай школе: тэма твора як мастацкая з’ява


“Кветка радзімы – васілёк” у гасцях у пяцікласнікаў


Нашы дзесяцікласнікі на трэцім крэатоне “Першыя ідэі: тэхналогіі” ў Гродна


Альшанскі перазвон" у асобах

Знаёмцеся. Гэта Булаш Дарья, вучаніца Х “А” класа.  У літаратурнай суполцы з першых дзён яе існавання. Свой вольны час, які толькі можа заставацца ў выдатніка вучобы, удзельніка алімпіяднага руху, экскурсавода па школьным кабінеце-музеі “Літаратурны Гродна”, яна запаўняе прыгажосцю: мастацтвам роднага слова і фарбаў. Да сваіх вершаў Даша сама малюе ілюстрацыі.

“Я лічу, што самы кароткі шлях да свабоднага валодання родным словам у нашай моўнай сітуацыі – шлях уласнай літаратурнай творчасці і самарэалізацыі ў гэтым кірунку,” – упэўнена заяўляе дзяўчына.

Зараз Дар’я рыхтуецца да ўдзелу ў вельмі прэстыжным цалкам беларускамоўным праекце «Першыя», у рамках якога мяркуецца правядзенне агульнарэспубліканскага конкурсу яркіх ідэй для навучэнцаў IX-XI класаў. Яна разам з куратарам суполкі Урублеўскай Э.У. распрацавала ідэю свайго праекта, і калі ён зацікавіць арганізатараў конкурсу (кампанію А1 пры падтрымцы арганізатараў канферэнцый TEDxMinsk), то на выніковым мерапрыемстве TEDxYouth@Minsk разам з дзевяццю фіналістамі прадставіць яго ў выглядзе публічнага выступу ў фармаце навуковых канферэнцый TED у г. Мінску ў маі 2020 г.

Давайце пажадаем ёй поспеху!



Альшанскі перазвон" у асобах

Распазнаць творчую іскрынку ў дзіцяці, зацікавіць прадметам і развіць творчыя здольнасці вучня – задача для настаўніка не простая. І калі гэта ўдаецца, то кожны педагог адчувае вялікую радасць. Вось і мне хочацца ад душы павіншаваць Паўлючук Ангеліну, вучаніцу 10 “Б” класа, актыўную ўдзельніцу нашай літаратурнай суполкі “Альшанскі перазвон”, з паспяховым выступленнем (дыпломам І ступені) на VI адкрытай навукова-практычай канферэнцыі "Гарадніца" для вучняў і педагагічных работнікаў устаноў агульнай сярэдняй адукацыі г. Гродна. Яна паспяхова прадставіла не толькі свае вершы, але і творчасць іншых удзельнікаў суполкі.

Ангеліна пачала пісаць творы на беларускай мове зусім нядаўна, з 8-га класа, спрабуе сябе ў жанры верша-верлібра. Яе спробы пяра адметныя яркай вобразнасцю, эмацыянальнасцю, палётам фантазіі. Пакуль друкуецца ў школьным зборніку-альманаху “Альшанскі перазвон”, але нядоўгі той час, калі яе вершы выйдуць за яго рамкі, і іх змогуць ацаніць чытальнікі газеты “Вячэрні Гродна”. Да друку ў рубрыцы “Дзіцячая пляцоўка” рыхтуецца новы верш Ангеліны “Цёплы снег”. Пажадаем ёй далейшых поспехаў на літаратурнай ніве!

Цёплы снег

Той снег,

што кліча за акном,
нечакана ў душу

заляцеў цяплом.
Блішчыць ён

з водарам жыцця

                        ўвесь такі,
ўступаючы прыроды

                   у правы.
Будзі, яскравы,

       наш душы парыў!
Цягні да радасці,

      цягні к дзіцячай волі!
Ззяй вокнаў звонку,

                 ў сэрцы ззяй,
Калі не зелянеюць дрэвы
І ў рэкі не ўцякаюць ручаі.
Ды радуй ўсіх,
                хто шчыра верыў,
чакаў хто з нецярплівасцю зімы.

                   

             Кіраўнік літаратурнай суполкі “Альшанскі перазвон” Э.У. Урублеўская 


Віншуем Ніку Статкевіч з дэбютам у “Вячэрнім Гродна”


Изображение

З алоўкам ў руцэ, або вобраз сучаснага чытача


25 верасня 2019 года распачаўся новы сезон у гродзенскім грамадска-дыскусійным клубе “Словадром”, у якім прымаюць актыўны ўдзел старшакласнікі з нашай школы. Тэма першага паседжання – “Мэта нашага жыцця”. 


  “Альшанскі перазвон” у асобах

Цялюк Ксенія, вучаніца 9 “Б” класа, у “Альшанскім перазвоне” з першых дзён яго існавання. Яе можна назваць патомнай паэткай, бо яе бабуля – былая настаўніца беларускай мовы і літаратуры  Ткачук Ядзвіга Мечаславаўна –  вершы піша ўжо даўно і з пэўнага часу з’яўляецца сябрам нашай літаратурнай суполкі. Яна прысутнічала на ўсіх дзвюх прэзентацыях школьнага альманаха і падтрымлівае творчыя здольнасці сваёй ўнучкі.

У Ксеніі ёсць ужо свае поспехі. Яна даслала ў рэспубліканскі часопіс “Планета-Сям’я” свой верш, прысвечаны ІІ Еўрапейскім гульням “Мінск-2019”, і ён быў надрукаваны ў лютаўскім нумары.

Шчыра віншую Ксенію з першай сур’ёзнай публікацыяй і жадаю ёй творчых пошукаў. Так трымаць і ніколі не спыняцца на дасягнутым!

  Кіраўнік літаратурнай суполкі “Альшанскі перазвон” Э.У. Урублеўская 


“Настаўніцкая газета” піша пра “Альшанскі перазвон”

Мне, кіраўніку літаратурнай суполкі, і ўсім перазвонаўцам вельмі прыемна, што нашым праектам зацікавіліся карэспандэнты рэспубліканскай “Настаўніцкай газеты”. Чытайце поўны тэкст артыкула тут: https://nastgaz.by/alshanski-perazvon/


Прэзентацыя зборніка-альманаха "Альшанскі перазвон"


27.02.2019 г. адбылося чарговае пасяджэнне грамадскага дыскусійнага клуба “Словадром”, прысвечанае Міжнароднаму дню роднай мовы


19.12.2018 г.  у канферэнц-зале Гродзенскай абласной бібліятэкі адбылося падагульняючае ў гэтым годзе паседжанне грамадскага дыскусійнага клуба “Словадром”, створанага Гродзенскім абласным аддзяленнем Саюза пісьменнікаў Беларусі


31.10.2018 г. у канферэнц-зале Гродзенскай абласной бібліятэкі імя Я. Карскага адбылося чарговае пасяджэнне грамадскага дыскусійнага клуба “Словадром”, у якім прынялі ўдзел кіраўнік нашай школьнай літаратурнай суполкі “Альшанскі перазвон” Урублеўская Э.У. са сваімі выхаванцамі – вучнямі 9-ых класаў.



22.11.2018 ў ДУА “Сярэдняя школа № 39 г. Гродна” адбылася  знамянальная падзея – урачыстае адкрыццё кабінета-музея "Літаратурны Гродна"


26.09.2018 года ў абласной навуковай бібліятэцы імя Я.Ф.Карскага адбылася тэматычная сустрэча ўдзельнікаў дыскусійнага клуба "Словадром"


25.04.2018 г. вучні школы прынялі ўдзел у пасяджэнні грамадскага дыскусійнага клуба "Словадром"


 

 


Прэзентацыя зборніка-альманаха "Альшанскі перазвон"


Комментарии:
Оставлять комментарии могут только авторизованные посетители.