Шосты дзень Тыдня беларускай мовы і літаратуры
Класная гадзіна ў 5 «Д» класе
«Мова! Як сонца маё беларускае, ты свецішся словам кожным…»
Падчас класнага мерапрыемства вучні ў форме гульні пазнаёміліся з назвамі вопраткі, мэблі, посуду, страў. Гучалі вершы нашых славутых паэтаў, музычныя творы. За святочным сталом дзеці частаваліся стравамі беларускай нацыянальнай кухні. Час прайшоў весела і пазнавальна.
Брэйн-рынг «Адкрываю, як свет, нанова беларускае роднае слова»
«Што ведаеш, насіць не цяжка», — кажуць беларусы. У справядівасці гэтай мудрай думкі пераканаліся вучні 5 «Б» і 5 «В» класаў, памераўшыся сіламі ў веданні беларускай мовы, вуснай народнай творчасці, твораў беларускіх класікаў. Дзеці праявілі свае веды, начытанасць, дапытлівасць, кемлівасць, узаемапавагу і пачуццё гумару. У напружаным спаборніцтве з невялікай перавагай у балах на першае месца выйшла каманда 5 «Б»класа. А перамаглі мудрасць, сяброўства і добразычлівасць.
26 лютага вучні 6 класаў адправіліся на экскурсію ў Музей Максіма Багдановіча.
Падчас тэатралізаванай экскурсіі наведвальнікі музея здзейснілі вандроўку ў мінулае – у той час, калі з 1892 па 1896 гг. сям’я Багдановічаў пражывала ў Гродне.
